ДФИТР Фестим Халили се обрати на панел дискусија во рамките на Скопскиот економски и финансиски форум - СЕФФ 2022

ДФИТР Фестим Халили се обрати на панел дискусијата „Финансиски иновации и инвестиции во услови на неизвесност” во рамките на Скопскиот економски и финансиски форум – СЕФФ 2022, кој се одржува во организација на Министерството за финансии на Република Северна Македонија.

Во своето обраќање, ДФИТР Фестим Халили истакна дека финансирањето за зелените инвестиции е во фокусот на работа на Фондот за наредниот период.

„Особено сме горди што Фондот за иновации и технолошки развој врз основа на одлука од Владата станува првиот субјект во Република Северна Македонија кој ќе отпочне постапка за акредитација од Зелениот климатски фонд со цел пристап до средствата на ЗКФ. Како централна институција која поддржува микро, мали и средни претпријатија, со развиен и воспоставени практики за креирање инструменти за поддршка, ФИТР ќе ги користи средствата што ги доделува ЗКФ за грантови за кофинансирање на МСП за проекти поврзани со климатски промени, како и за други форми на финансирање на проекти за климатски промени”.