Директорот на ФИТР Халили во посета на ООУ “Наим Фрашери” Тетово

„Ми претставува чест и задоволство што училиштето во кое го завршив своето основно образование активно се вклучува во процесот на поттикнување на иновативноста и креативноста кај младите. ФИТР е секогаш тука да ги поддржи сите млади и амбициозни луѓе да ги реализираат своите иновативни идеи”, изјави ДФИТР Фестим Халили на денешната посета во ООУ „Наим Фрашери” Тетово.

Тимот ученици под водство на своите ментори го реализираат „Зелен проект – Донеси капак, добиј торба / Projekt i gjelbërt – Jep kapakë dhe mer një çantë”, дел од Предизвикот за млади истражувачи 4 поддржан од ФИТР. Преку проектот, учениците истражуваат како замената на пластични со платнени ќеси придонесува кон промена во навиките кај луѓето во однос на загадувањето на животната средина, односно во намалување на отпадот кој се создава од пластичните ќеси.