ФИТР и ПроКредит Банка потпишаа меморандум за соработка за поддршка на стартапите

ФИТР и ПроКредит Банка потпишаа меморандум за соработка, со која микро, малите и средни претпријатија, вклучувајќи ги и старт-ап компаниите ќе добијат олеснет пристап до финансиски средства за реализација на нивните иновативни бизниси.

Главната придобивка ќе биде за компаниите тоа што банката ќе обезбеди дополнителна финансиска поддршка преку Стартап пакетот, наменет за стартап компании.

Стартап пакетот на ПроКредит Банка вклучува целосно бесплатно одржување на сметката за првите две години од датумот на основање на компанијата и вршење на неограничен број на трансакции во земјата со 0 денари надоместок. Дополнително, пакетот вклучува личен советник за бизнис клиенти, целосно електронско банкарско работење, најниски и фиксни провизии за трансакции со странски земји и автоматизирани и бесплатни приливи во странство, можност за кредитирање по 12 месеци активност на компанијата, кредитна картичка.

Повеќе информации за пакетот на: https://www.pcb.mk/startapi.nspx

Дополнителна можност за сите стартап компании и фриленсери е новиот модерно уреден, иновативен и бесплатен co-working простор Hive Room, кој може да се користи бесплатно со аплицирање на следниот линк: https://www.pcb.mk/hiveroom/mk