ФИТР го отвори првиот инфо центар во Тетово

ФИТР го отвори првиот инфо центар, креативен простор наменет за информирање, вмрежување и развој на нови иновативни идеи и креирање на нови бизнис приказни.

Инфо центарот на ФИТР е лоциран на Универзитетот на Југоисточна Европа, Тетово, каде студентите и претприемачите можат да добијат повеќе информации во врска со актуелните инструменти на Фондот за финансирање на бизнис проекти.

„Од денес, ние сме поблиску до вас, млади луѓе кои со текот на годините се уверивме дека поседувате извондреден потенцијал и креативност да создадете неверојатни решенија и да одговорите на сите предизвици со кои се соочуваме. Во овој инфо центар, вие ќе може да добиете информации за сите инструменти кои се достапни во Фондот за финансирање на вашите бизнис проекти, можете да добиете насоки како да ја развиете вашата бизнис идеја, да остварите вмрежување и размена на информации и контакти во рамките на нашата мрежа” истакна Фестим Халили, директор на Фонд за иновации и технолошки развој.

Соработката на државните институции со академијата и бизнис заедницата е од круцијално значење за создавање на подобри услови за младите да ги унапредат своите вештини и потенцијал, нешто што ФИТР го реализираше во изминатитот период. Отворивме седум нови лабаратории лоцирани во високообразовни институции, опремени со најнова техника и технологија, со цел младите да можат да истражуваат и работат на своите иновативни идеи.

Отврарањето на овој инфо центар е уште еден чекор на ФИТР кон забрзан технолошки развој, кој се темели на трансфер на знаења, развојни истражувања и иновации кои придонесуваат за економски раст и развој, но и за подобрување на деловната клима за развој на конкурентска способност на претпријатијата.