Drejtori i FIZHT, Petrov dhe zëvendëskryeministri Bitiqi vizitojnë Agjencinë e Inovacioneve të Izraelit- Rrjetet strategjike, qasja në njohuritë teknologjike dhe mbështetjen financiare midis dy vendeve
Rrjetet strategjike, qasja në njohuritë teknologjike dhe mbështetja financiare midis dy vendeve ishte tema kryesore e vizitës së sotme në Agjencinë e Inovacioneve të Izraelit, të udhëhequr nga drejtori i Fondit të Inovacioneve dhe të Zhvillimit Teknologjik, Kosta Petrov dhe zëvendëskryeministri i ngarkuar për Çështje Ekonomike, Koordinim të Resorëve Ekonomikë dhe të Investimeve, Fatmir Bytyqi.
Gjatë takimit të punës me drejtorin e Njësisë së Bashkëpunimit Ndërkombëtar Alan Hoffman, i cili është pjesë e vizitës së punës në Izrael, u diskutua Programi i nxitjes, i cili siguron mbështetje për kompanitë e huaja që punojnë me kompani izraelite në programet që synojnë komercializimin për zhvillimin e produkteve të reja teknologjike ose për të përmirësuar ndjeshëm teknologjinë ekzistuese.
Gjegjësisht, agjencia, përmes programit, ofron grante për të mundësuar ndarjen e rrezikut në financimin e projektit, dhe ndihmë në gjetjen e partnerëve të huaj të teknologjisë.
Drejtori i fondit, Petrov gjithashtu prezantoi aktivitetet e Këshillit Kombëtar të Startup-ve, portofolin e ri të investimeve të FIZHT, fondin e investimeve dhe Programin për nomadët digjitalë.
Zëvendëskryeministri Bytyqi dhe drejtorët Petrov dhe Hoffman, në takim ranë dakord që përmes aktiviteteve të propozuara, kompanitë nga të dy vendet do të përmirësohen në të gjitha fushat e kërkimit dhe zhvillimit bazuar në inovacione, dhe kështu t’i ndihmojnë ata të rriten përmes një sistemi strategjik global të rrjetit, aksesi në njohuritë teknologjike në vende të ndryshme, për të vendosur një hap përpara dhe për të rritur vendosjen e produkteve të tyre në tregjet globale.