Прв повик за поднесување предлог проекти за финансирање под инструмент Ко-финансирани грантови за „старт-ап“ и за „спин-оф“
За финансирање проекти под овој јавен повик обезбеден е вкупен износ од 600 000,00 евра, односно 36 900 000,00 денари.
Со инструментот се обезбедува финансирање на најмногу 85% од вкупниот буџет за проектот, со максимален износ од 30 000,00 евра. Другите 15% од вкупниот буџет за проектот треба да бидат обезбедени од апликантот.
За другите 15% за финансирање обезбедени од апликантот како прифатливи средства нема да се сметаат средствата добиени од Фондот врз друга основа или средствата од која било државна помош.
Средствата за инструментот за поддршка – кофинансирани грантови за „старт-ап“ и за „спин-оф“ трговски друштва и иновации се обезбедени од Буџетот на Република Македонија, од Програмата за финансиска поддршка на руралниот развој и од Проектот за развој на вештини и поддршка на иновации на Министерството за образование и наука на Република Македонија, поддржан од Светската банка.
Подобност
Повикот е отворен за микро, мали и средни претпријатија (што не се постари од 6 години) – „старт-ап“ и „спин-оф“ претпријатија, во доминантна сопственост на македонски државјани, кои имаат иновативна идеја со солидно очекување за комерцијализација.
Постапка при оценување и селекција
Финансирањето од страна на Фондот е врз база на предлог-проекти кои ги поднесуваат заинтересираните претпријатија. Оцената на проектите се состои од неколку фази:
Комитетот за одобрување инвестиции (КОИ), составен од пет меѓународни експерти, има одлучувачка улога во процесот, водејќи се според следните основни критериуми за оценување:
- иновативност;
- потенцијал на пазарот;
- капацитет на
- менаџерскиот тим;
- квалитет на проектот;
- соодветност на предвидените трошоци.